ആത്മാവ്‌...
അകലുകയാണോ, പിരിയുകയാണോ
ഇന്നെന്‍ ജന്മം വെറുതെയോ??
ഒരുപാട് വാക്കാല്‍ എന്നെ
നോവിക്കാതെ- ഒറ്റ വാക്കില്‍ പറയു-
ഞാന്‍, വെറും ശരീരമാണെന്ന്,
എന്നില്‍ ഒരാത്മാവില്ലെന്ന്...
എന്നിലെ ആത്മാവായി നടന്നവനെ,
എന്നെ മാറോടെരെ ചേര്‍ത്തവനെ,
പറയൂ, പറയൂ, എന്നെ
ഇത്രമേല്‍ വെറുത്തതെന്നു??
ഇല കൊഴിഞ്ഞ വഴിപാതയിലൂടെ
നടന്നു നീങ്ങിയപ്പോള്‍,
എന്നില്‍ നിന്നെന്തോ താഴേക്കു
ഉതിര്‍ന്നു വീണു-
ഞാനൊന്നു പിന്നിലേക്ക്‌ തിരിഞ്ഞു
നോക്കിയപ്പോള്‍ കണ്ടതോ,
എന്‍റെ ആത്മാവായിരുന്നു.
ഇന്ന്, എന്നില്‍ നിന്ന് നീ
അകലവേ, അറിയാതെ ഞാന്‍
ചോദിച്ചിടുന്നു, അന്നെന്നില്‍ നിന്നടര്‍-
ന്നത്, ഞാനേറെ സ്നേഹിച്ച,
എന്‍റെ ആത്മാവായ നീയായിരുന്നുവോ??
എന്തേ, സ്നേഹിതാ ഞാനതറി-
യാഞ്ഞൂ, നമ്മുടെ മനസ്സിത്ര-
മേല്‍ അകന്നിരുന്നോ???
virahavum dhukkavum jeevithathile oru cheriya baagam mathram....... santhoshikaan ulla ethrayo karyangalum und , ini athellam ulpeduthi kavithakal rachikaan aasamsikkunnu!$jeevan$
ReplyDelete