മിഴിനീര്‍
അന്നൊരു നാള്‍ നീയെന്‍ ചെവിയില്‍ മൂളി, ഒരുനാളും പിരിയില്ലെന്ന് , ഒരുനാളും
എന്‍ മിഴി നനയ്ക്കില്ലെന്നു ,
എന്‍ മിഴി നനയ്ക്കില്ലെന്നു ,
എനിക്കറിയില്ല , നീ ആ വാക്കുകള്‍ ഇന്നും
ഓര്‍ക്കുന്നുവോയെന്നു , മറക്കരുതേ എന്നുപറയാന്‍
അര്‍ഹതയില്ലെന്നു അറിഞ്ഞിട്ടും
വീണ്ടും ഞാന്‍ പറഞ്ഞിടുന്നു...
വീണ്ടും ഞാന്‍ പറഞ്ഞിടുന്നു...
അകലെക്കലേക്ക് നീ മറഞ്ഞിടുമ്പോള്‍
അറിയാതെ നിന്‍ നിഴല്‍ മങ്ങിടുമ്പോള്‍ , എന്തിനോ
വീണ്ടും ഞാന്‍ കൊതിച്ചിടുന്നു - നിന്‍ വാക്കിനോ
നോക്കിനോ എന്തിനെന്നറിയാതെ
ഞാന്‍ പകയ്ക്കുന്നു....
ഞാന്‍ പകയ്ക്കുന്നു....
എന്‍ ഹൃദയത്തില്‍ മഞ്ഞു വീഴുന്ന പോലെ ,
എന്‍ കണ്മുന്നില്‍ എന്തോ നിഴല്മറ നീങ്ങിടുന്നു....
എപ്പോഴോ ഞാന്‍ കണ്ട സ്വപ്നമെന്നോണം
അലറി വിളിക്കാന്‍ തോന്നിതുടങ്ങുമ്പോള്‍ - ആരോ
എന്നോടരുതെന്നു ഓതും പോലെ...
എന്‍ കണ്ചിമ്മി തുറക്കുമ്പോള്‍ എന്തിനു നീ
വീണ്ടും എന്മുന്നില്‍ വന്നിടുന്നു - എന്‍ മിഴികള്‍
നിറയ്ക്കാനോ അതോ എന്‍ ഹൃദയം പിളര്‍ക്കാനോ ??
എന്‍ കണ്ണുനീര്‍ ഇത്രമേല്‍ കൊതിക്കുന്നുവോ
നീ - എങ്കില്‍ ഞാനെന്‍ കണ്ണുകള്‍
നിനക്കായ് സൂക്ഷിക്കാം!!
നിനക്കായ് സൂക്ഷിക്കാം!!
എന്റെ കണ്ണുകള്‍ അടയുന്ന നിമിഷം വരെ
എന്നും നിന്നെയോര്‍ത്ത് ഞാന്‍ കരഞ്ഞിടാം.....!!!!!
