മൗനം

മൗനമേ ! നീയെന്തിനെന്നില്‍ കൂടുകൂട്ടുന്നു ,

അനന്തമാം ലോകത്തില്‍ ഏകാന്തയായി

മാറ്റുവാനായോ നീയെന്നെ നയിക്കുന്നു?

എന്നോടായി ഒരു വാക്കും മിണ്ടാതെ ,

മറുവാക്കിനായി കാത്തുനില്‍കാതെ അവന്‍

ആ വഴിമറഞ്ഞപ്പോഴും - എന്തെ

നീയെന്നെ മൗനയാക്കി?

നീയെന്നില്‍ നിറയുന്നോരോ നിമിഷവും

വീണ്ടും  മൂകയാം ഞാനവനു മുന്‍പില്‍....

ഓരോ വാക്കിനായി  ഞാന്‍ തപ്പിയലയുമ്പോള്‍ ,

എന്തിനു നീയെന്നെ മൂകയാക്കി???

എന്തിനു നീയെന്നെ നിശബ്ദയാക്കി ,

എന്‍റെ കണ്ണീരില്‍ നീ സന്തോഷിക്കവേ ,

'എന്തെന്ന് '   മറ്റാരോ ചോദിക്കവേ ,

പിന്നെയും എന്നില്‍ നീ ബാക്കിയാക്കി....

നീ മൊഴിയുന്ന ഓരോ വാക്കും കേള്‍ക്കുവാനായി

നിന്‍ അരികെ ഞാന്‍ കാതോര്‍ക്കുമ്പോള്‍ ,

ഞാന്‍ പോലും അറിയാതെ എന്തിനോ എന്നില്‍

നിറയുന്നു മൗനമാം തീക്കനല്‍....